近年香港興起一股創業潮,開網店、開IG SHOP、做KOL、搞工作坊 Workshop等等。

呢一批創業人士基本上都屬於自僱人士,而自僱人士有一個特色,就係入息不固定。

正正因為呢個原因,好多朋友都會覺得自僱人士好難做到按揭。

事實上,自僱人士係申請按揭時,的而且確因為入息非固定,銀行會對其按揭申請要求會較為嚴謹。

而自僱人士如果要造高成數按揭,即借6成以上,的確困難。但若然申請的按揭成數係6成或以下,事實上並非想像中困難。

一般固定受薪嘅打工仔係申請6成或以下按揭時,只需提供最近3個月入息證明,好多銀行就願意批出按揭;而非固定受薪人士則需只少提供最近6個月的入息證明,方會批出按揭,例如保險經紀就係以最近6個月之平均入息作為收入計算壓力測試。

現在很多自僱人士都會出糧比自己,亦會為自己供MPF。

不過有一點要注意,就係銀行有時候會進行公司查冊,若發現發薪公司為申請人自己持有的話便會要求申請人提供公司的財務報表,證明公司係有盈利。

理論上,公司出糧予董事合情合理,可以作為自僱申請人的收息證明。

但如果公司蝕錢的話,難免會令銀行懷疑自僱申請人為成功申請按揭而有「篤數」之嫌令銀行拒絕批出按揭。

另外,如果自僱申請人為獨資企業經營者,實際上「公司盤數」就等於申請人嘅入息。

一般情況,銀行需要申請人提供最近一年的稅單,以稅單顯示嘅收入作為入息證明,計算供款與入息比例。

而作為有限公司的股東,亦可以用公司之盈利作為入息證明,不過需注意股權分佈。

假設朋友A持有公司30%的股權,該公司盈利為200萬,朋友A只能用(200萬 x 30%=60萬)作為年收入。

而且不同銀行對於自僱人士按揭的批核準則可能略有不同,因此自僱人士在申請按揭時記得問清楚啲,咁就萬無一失。

只要搞清楚自僱人士嘅入息計算方法以及所需提供嘅證明文件,申請按揭亦不困難。

按揭回贈高達1.8% 立即向按揭大師查詢 Whatsapp 68906888