唐樓一般比人嘅印象就係按揭好難批，但其實只要搞清楚幾個要點，唐樓一樣可以做到按揭，什至做8、9成都無問題！
非所有銀行都願意承按
唐樓與村屋及未補地價資助房屋一樣，並不是所有銀行都願意承按，所以買入唐樓前應先查詢清楚有邊間銀行肯做。另外，唐樓是否有升降機亦會影響按揭申請，因為有部分銀行只接受有升降機嘅唐樓申請，部分則沒有升降機亦可以。
按揭成數與年期
唐樓只要符合按揭保險之樓價規定，最高亦可申請9成按揭，不過銀行及按保公司會視乎物業質素而決定最後批出之按揭成數。例如位於高尚住宅區之唐樓，業主立案法團普遍重視定期維修以確保大廈質素，此類唐樓銀行與按保公司一般都願意批足。反之，若唐樓質素欠佳，銀行及按保公司會扣減所批出之成數上限。
銀行願意批出之最長按揭年期一般為（75年 – 樓齡），即是當樓齡超過45年則好大機會批唔足30年。另外，有部分銀行會扣減唐樓之按揭年期，即有機會樓齡低於45年亦借唔足30年，所以買入唐樓前應做多啲功課，確保有銀行願意承按先簽臨約。
估價問題
唐樓經常出現估價不足嘅情況，如果按揭成數係6成或以下，大家可以搵多幾間會銀行做估價，只要有銀行估得足則問題不大。但若然要申請高成數按揭，風險相對較大。
當大部分銀行出現「估唔足」嘅情況，按保公司有機會自行對物業進行估價，並以此估價作為批出按之基準。若最後仍然「估唔足」，買家就需要「抬錢上會」。
銀行或要入屋睇樓
由於唐樓樓齡相對較高以及較多僭建問題，所以買入唐樓要有心理準備，銀行好大機會要求入屋睇樓。銀行入屋睇樓主要目的為視察單位是否有僭建問題以及有無出現結構改動，若出現結構改動有機會影響批出按揭。
而不少唐樓平台地方亦會有僭建出嚟嘅簷篷，呢種僭建一般不會影響按揭。不過銀行會對「還原費用」進行估算，若「還原費用」佔樓價一個較大百分比，銀行有機會扣減批出的按揭成數。
另外由於近年不少投資者買入唐樓並分間做劏房出租，銀行驗樓時亦會檢查單位是否屬於劏房。由於劏房只有某幾間中小型銀行願意接受申請，並會視之為出租物業去批，最高只能做5成按揭。
About the Author: 文博
