有網友send左篇環聯文章俾筆者(環聯即係向銀行提供信貸評級同報告嘅機構,文章喺最底連結),內容係講好多時入飛抽新樓,都要買10萬蚊左右嘅本票去入飛。而地產代理好多時會提供一個服務,就係你碌卡去俾呢10萬,佢幫你出一張本票俾發展商律師樓。

佢好擔心買新樓時,碌卡買本票會令到自己評級變差,繼而影響申請按揭。咁有卡數又到底會對申請按揭有咩影響?又點樣可以解決或者減低影響呢?

簽卡影響評級點算好?

首先呢篇文章講到評分問題,其實好易解決。就係盡快找卡數。好多人搵地產代理碌卡買本票,唔係因為戶口冇錢,而係冇時間去銀行買本票。你儲蓄戶口本身有錢,就確認抽到新樓,喺信用卡過左數之後盡快找卡數,結欠去返一個低水平,文章提到嘅評級問題就會解決。

咁冇錢找卡數點算好……?朋友,首期本身唔應該借返黎架喎。向銀行申請按揭時,好多時都要向銀行申報首期來源,我經驗上未見過有客人寫住首期來源碌信用卡而批到按揭。

平時用信用卡又對申請按揭有咩影響?

咁如果平時消費又點算呢? 其實銀行睇我地嘅信用卡資料,同我地自己去查信貸報告唔同。我地自己去查,會睇到card number、信用額、結欠、套現分期、部分消費分期等詳盡資料。銀行好多時只係會查到結欠。然後就會問返客人拎信用卡月結單,了解下你嘅找卡數模式同有冇分期。

如果見到有套現分期,而剩餘期數多過3期的話,計算供款佔入息比同壓力測試會計埋落去。而消費分期情況類似,但銀行有機會酌情處理。如果發現你係慣性俾min pay,銀行就可能會用一個比例去計入供款佔入息比同壓力測試。例如有10萬蚊卡數,就當你有一個每月還款4000蚊嘅分期貸款去計算。(呢個只係例子,每間銀行計法都可能會唔同)

由客人交申請表,銀行查信貸報告,要求客人補資料,再等客人補返黎。呢度可能都搞一個月,雖然到最後都會批到,但就會慢好多。所以申請按揭時,最好就交埋自己常用嘅信用卡月結單俾銀行,就唔使來來回回補文件喇。

以上內容只係經驗分享作參考用,不代表環聯及合作銀行。讀者申請前應該同按揭顧問仔細討論個人狀況。

環聯文章:碌卡「入飛」抽新樓兼賺信用卡積分?小心降低信貸評級

按揭回贈高達 2.5% + 綠色按揭 $16,888 利率低至 6.24% (封頂 3.625%)
立即向按揭大師查詢
Whatsapp 55975082
利率更新日期: 2024-03-19

即時了解「額外現金回贈」,賺盡現金回贈唔好蝕比銀行同地產代理!
回贈詳情

立即登記賺盡現金回贈,最高可達 2.5% + 綠色按揭 $16,888
即時網上申請

按揭查詢


By |2021-02-16T18:01:51+08:00February 3rd, 2021|Tags: , , |

About the Author: