香港買樓可以借幾多成按揭？400萬以下可以借9成，600萬以下可以借8成，1000萬以下可以借6成（最多500萬），1000萬以上借5成。大家都講到識背。唔識背就睇呢度：一般按揭政策
600萬可以借8成，120萬（樓價兩成）就可以俾首期。咁600萬零1蚊呢呢？601萬要只可以做6成按揭，要俾240萬4千首期（樓價4成）。只係差一蚊，首期就double，令到好多人買樓只會揀600萬或以下o既樓。600萬呢條線就係所謂按揭高牆。
最近有位朋友，睇中一個單位，業主開價700萬。佢為左首期鬆動d，嘗試同業主講價講到600萬。幾經辛苦同業主講價講到630萬，但係就停左o係度，拉鋸左一個星期。有一日經紀就提議，其實業主買入單位都唔足三年，賣返出去要俾差不多60萬SSD，成交價定o係570萬。買家負責俾SSD，仲白紙黑咁寫埋o係臨約。
簽左臨約之後，佢好開心走嚟搵我「大師，我買咗樓喇，幫我跟一跟個按揭得唔得？」我睇到張臨約咁寫，都唔係好大信心可以批到8成。都俾定心理準備佢，要跑多兩成首期返黎。信心唔大，又要借8成，就要知道邊間銀行會同邊間好按揭保險機構合作。點解8成按揭批得咁緊，因為除左要過銀行批核部嗰關，仲有按揭保險公司嗰關。而按揭保險公司一般會嚴僅過銀行。我嘅策略係幫佢去唔同銀行申請，令到呢個case 可以盡量去到HKMC、QBE，同AIG三間按揭保險公司。
最後有兩間銀行覆返黎，順利批到8成???
事成之後，呢位朋友仲問我「其實大師你收幾多轉介費？」我O咗咀，再同佢講：「本座向來唔收轉介費仲有0.1%至0.4%回贈，施主你一定冇睇我個網站喇」
About the Author: Daniel Yim
