問:咩係按揭保險?

答:根據金管局規定,1000萬以下住宅物業銀行最高可批出按揭成數為6成,若想借超過6成便需要申請按揭保險。


問:按揭保險費點計?

答:按揭保險保費率計算係以貸款額乘以一個百分比而定,而按揭成數及按揭年期亦會影響保費率。

舉個例,800萬樓,借9成,30年還,按揭保費=800萬*90%*5%=$360,000

按揭保險計劃按揭保費


問:按揭保險保費需要計入壓力測試?

答:按揭保險保費支付方式包括「一次付清」、「每年支付」及「加借」。基本上客人都會選用「加借」保費再分攤每月歸還,而呢個每月供款亦需計算到壓力測試當中。

按揭保費需要計算入壓力測試?


問:有咩情況按揭保險會唔批?

答:最常見按揭保險唔批嘅原因主要係按保公司質疑入息嘅可信程度。例如,出糧公司係屬於申請人本人或其親屬所持有,申請人工作年資與其收入不符等。如果出現上述情況,申請人能提供相應入息證明文件釋除按保公司疑慮,按保公司亦能照批。另外,若申請人本來已持有物業,按保公司會質疑為何申請人不取回其他手持嘅物業作自住,而需要另置物業自住。

按揭保險點解唔批?


問:按揭保險可以退保嗎?保費可以拎返?

答:按揭保險可以退保退保,首年可退回40%保費,兩年內可退回25%保費,三年內即可退回15%保費。

轉按甩按保可退回15%保費


問:出租物業或者買連租約物業可以申請按揭保險?

答:不能,申請按揭保險其中一個要求係物業必須為自用,所有出租物業不能申請高成數按揭。而按保公司會定期抽樣檢查物業是否自住並要求申請人作出聲明,若發現申請人「偷雞出租」便會Call Loan!


問:如果有按揭係身,都可以做到9成按揭嗎?

答:若有按揭係身,理論上最高按揭成數要扣減一成。而按揭保費分為「按揭成數 60%以上至 90%」及「按揭成數 50%以上至 90%」,由於有按揭係身,原來最高成數只能做5成,所以需採用「按揭成數 50%以上至 90%」的保費表繳付較高保費,一樣能夠做到9成。

按揭保險計劃按揭保費

有按揭係身一樣做到9成按揭?


問:如果按揭保險唔批可以點做?

答:要視乎按險保險唔批嘅原因,如果係申請人事前計錯數原來收入與債務問題影響壓力測試,申請人可以加擔保人或清還其他外債後再向按保公司要求重批。若然係因為其他原因以致唔批,申請人可以向其他按保公司申請。由於不同按保公司之批核準則略有不同,HKMC唔批不等於AIG或QBE都一定唔批。但要注意每間按保只會對該申請批一次,即使經另一間銀行申請但遇上同一間按保公司亦不會獲批。另外,申請人亦可以叫Banker協助進行上訴,有經驗之Banker對於部分Case建議申請人額外提供證明文件以增加上訴成功之機會。


問:申請按揭保險需要準備咩文件?

答:

1. 身分證明文件

2. 住址證明(最近三個月)

3. 入息證明(糧單、出糧戶口記錄、僱傭合約)固定月入提供3個月;非固定月入提供6個月

4. 稅單(最近2年)

5. 強積金供款記錄

基本上,按揭成數6成以下與按揭保險所需文件大同小異,唯按揭保險更為嚴謹。按保公司必定會要求申請人提供稅單,除非申請人做政府工又或者係大公司做,按保公司單憑糧單已相信月入嘅真確性。另外,若有合理解釋未能提供稅單,按保公司亦有機會批出按揭,如從外國回流、之前因某些原因而停工等。而強積金供款記錄雖非必須,但按保公司有機會要求申請人提供以作審批。


問:申請按揭保險需時幾耐?

答:按揭保險大概需時一個月至個半月不等,主要視乎當時申請個案多少而定。一般情況銀行批核需時約兩個星期,而按保公司亦需一至兩星期作審批。若文件唔齊又或者按保公司要求提供額外證明文件則所需時間會更長,所以申請按揭保險應預留更多時間以免批唔切而影響成交。客人亦可向按揭顧問查詢當時銀行及按保公司批核所需時間,以及邊間銀行無咁「塞車」可以更快完成批核。


問:可以指定申請某按保公司嗎?

答:有部分銀行只與HKMC合作,凡向該銀行申請亦只能經HKMC申請按揭保險。而有部分銀行除HKMC外,同時間亦有QBE與AIG合作,一般銀行內部有機制分派申請到其中一間按保公司,但基本上都係隨機分派。若然客人曾被某按保公司拒批,客人可與Banker溝通,Banker會盡量協助,以免申請又重新被派到該拒批的揭保公司。


按揭回贈高達1.8% 立即向按揭大師查詢 Whatsapp 68906888