大家應該記得，2018年尾樓市調整，信和及市建局的新盤觀塘凱匯，首批以震撼價每尺$17,000發售，引起全城哄動，爭相搶購，網民仲話佢一試就試到個鑽石底。
客人化名吳先生，幫襯紅中地產入飛，抽到第二批的個位數字籌(前面只有數個買家，一定有樓揀)，並簽約買下一個約1000萬的單位。由於抽到頭籌實在太興奮，揀樓前一晚都諗緊買咩單位好，冇諗過按揭問題。去到現場，揀好單位，臨到簽約嘅一刻，腦袋空白，「銀行一按+發展商二按」同「發展商一按」兩個付款方法點揀好呢? 由於吳先生係自僱人士，擔心不能通過壓力測試，又一廂情願地認為「發展商一按」會比較容易批核，於是就揀選「發展商一按」(樓價貴2.5%)。
後來吳先生又想試下其實可唔可以申請銀行按揭，於是搵咗按揭大師轉介按揭，大師服務又唔駛錢，銀行做申請又唔駛錢，梗係試下啦。當大師得悉時，大師同吳先生講，仲有一年時間成交，你呢一年乖乖地做好公司D數，收到現金去銀行入數，供好強積金，要申請按揭都唔難，相差2.5%，即係25萬呀，不如俾我啦。
講左咁耐，終於到重點喇，咁而家點算呢? 大師雖然有地產牌，亦有得賣一手樓，但係有大師睇住，點會因為冇信心批按揭而揀錯plan丫，所以大師係第一次處理呢種情況。於是大師就打去發展商查問一下。原來好簡單，只要寫封信俾發展商，包括以下資料:
- 業主姓名
- 購買單位
- 想由付款方法 D 轉去付款方法 C
- 日期
- 簽名
發展商一日就批咗，據發展商所講，市建局要大約1.5個月去處理，只要市建局同發展商都批左，就可以照平常程序咁去申請按揭。至於2.5%差價，就會在成交時，在尾數扣除。恭喜客人最後可以慳返25萬，不過下次買新樓，都係早D搵大師傾下啦。
About the Author: Daniel Yim
