淺談凶宅按揭

最近有客人想買一個凶宅單位，又怕做唔到按揭，於是就問我地關於預先批核嘅問題。其實預先批核已經名存實亡，好多銀行都唔願意去做。咁買凶宅又怕按揭唔批點算好?

好多人爭拗凶宅定義，發生事故喺屋入面死就一定係啦，發生事故去到醫院先死點計?跳咗出去落地死又點計?玄學上嚟講，我就唔識答你，按揭嚟講，只要估到價，其實就問題不大。

就以客人睇中嘅單位為例，11月份，樓下成交353萬，呢個單位銀行估價292萬，一般有升降機嘅單位愈高都會愈貴。但呢度比樓下成交價更平，其實已經反映咗凶宅嘅問題。有冇鬼我唔知，但成交價喺係292萬的10%範圍，其實都同普通買樓一樣。

咁如果賣家堅持要賣350萬又點算好? 最壞嘅打算係，銀行以292萬作基準批出按揭。例如唔用按保，只做6成的話，就會批出292萬x 60% = 175萬。咁首期就要預多D喇。

建議閱讀：
同層凶宅做唔做到按揭？ 
談「按揭顧問」之重要性