如果意欲購入嘅目標物業係凶宅,大家要有Full Paid嘅覺悟,因為銀行唔會對凶宅批出按揭。如果目標買入嘅物業並非凶宅,而係同層凶宅,又做唔做到按揭呢?

銀行對於物業嘅資訊基本上都係從估價行取得,物業是否凶宅或同層凶宅亦由估價行作出調查。如是凶宅單位,估價行自然不會對物業進行估價。但有時候,同層凶宅亦會出現估唔到價嘅情況。以下係同層凶宅會出現嘅兩個情況:

估唔到價

銀行是否對物業批出按揭,估價行嘅估價報告尤為關鍵,估唔到價等於申請唔到按揭。而同層凶宅如果屬於「極凶」情況,什至乎會出現全層都估唔到價,但每間估價行對於同層凶宅取態並非一致,估價行A估唔到價並唔等於估價行B都一定估唔到價,所以客人可以同時向多間估價行估價。

有銀行只會從單一估價行取得估價報告作為審批按揭,而大部分銀行會用多過一間估價行。如果該銀行用多過一間估價行的話,可以要求銀行同時間向幾間估價行估價,避免單一估價行估唔到價。

估到價,但亦不一定做到按揭

絕大部分情況,只要銀行願意對該物業估價,批出按揭都問題不大。但如果出現同層凶宅大家就要做多少少功課,因為即使估價行願意對物業估價,銀行亦有機會採取較保守態度而不願批出按揭。如發生同層凶宅,客人應向銀行查詢以及同時間向多間銀行作出申請。若銀行不願對同層凶宅批出按揭,大部分情況銀行職員於申請前已經可以將情況告之。而有部分銀行即使接受申請便願意批出按揭,同層凶宅估價會有機會出現折讓。

按揭回贈高達1.8% 立即向按揭大師查詢 Whatsapp 68906888