好多朋友會誤以為將物業以「送契」形式進行過戶可以節省印花稅支出，事實上「送契」物業仍然要以市價率算繳交印花稅，而且「送契」物業於5年內亦難以取得銀行按揭。不少「送契」個案屬於家庭財產重新分配，到底點做可以令到「送契」物業於5年內都可以做到銀行按揭？
「送契」由物業擁有人以饋贈方式將物業法定擁有權轉讓予受贈人，而「送契」屬於無償轉讓，於土地查冊中會以「DEED OF GIFT」顯示，而在代價（CONSIDERATION）一項則會顯示「-」。
若家庭財產重新分配為唯一目的，以「送契」方式處理實屬不智。由於「送契」物業既不能慳稅，5年內銀行亦不予提供按揭貸款，實作繭自縛，百害而無一利。
絕大部分「送契」物業已供斷，不涉及任何銀行按揭。最好處理方法係轉讓依市價成交，假設物業市價為$600萬，於土地查冊中以$600萬注冊作為是次轉讓嘅「代價」。然而由於轉讓目的為家庭財產重新分配，又不涉及銀行按揭，$600萬事實上係可以重來都無出現過，只要是次物業轉讓交足印花稅，基本上律師樓會協助你完成其他程序。
以此方式「送契」，既可以達到財產重新分配之目的，同時又免卻「送契」物業做唔到按揭嘅尷尬情況。
建議閱讀：「送契樓」可以慳稅？
About the Author: 文博
係呢個資金泛濫嘅年代，如何運用金融知識及善用借貸力為非常重要嘅一環。
熱於研究「按揭財技」，閒時寫寫文分享下所見所聞千奇百趣嘅按揭個案。
