「火險」係咩黎?申請按揭個陣係咪一定要買?

相信呢兩個問題係唔少朋友置業或者申請銀行按揭個陣都曾經問過,就等筆者係到同大家分享一下「火險」其實係點,有咩作用呢。

筆者不時同客戶朋友閒談時,都發現原來好多人會混淆咗「火險」同「家居保險」。

「火險」/「樓宇結構保險」

「火險」即是「樓宇結構保險」,主要保障因為失火而引致的物業及財物損失。保障範圍包括如門窗、牆壁、天花、地板及業主購買物業時已有的裝修等樓宇結構損毀而須重建及更換等費用。

而申請按揭時,銀行會要求申請人為按揭物業購買火險以保障銀行風險。若未有為物業投保「火險」,申請一般不會獲批,即是話係必須要購買!而銀行一般都會在申請時為客人提供「火險」給客人購買。

有部分大型屋苑的管理公司會為屋苑所有單位購買火險,而火險保費已包含在管理費內。若管理公司沒有替整個屋苑購買,則業主需自行處理相關安排。所以客人可以向屋苑管理處查詢及向銀行申報,否則銀行有機會幫貸款人重覆購買火險,而火險保費是以單位的面積作為基準釐定。

「家居保險」

「家居保險」顧名思義就係保障家中嘅財物,如傢俬、電器、屋內裝修、衣物、電子產品及貴重物品(現金,金銀手飾)等等。受保任何意外以及不可預見嘅有形損失,例如盜竊、火災及水災等引致的家中財物損失。

簡單舉個例,近年香港經常受到颱風吹襲,去年十號颶風「山竹」吹爛玻璃以致屋內的傢俬損壞,而這些損毀正正是家居保險的保障範圍。若只購買了火險而沒有購買家居保險則不會獲得賠償。

而家居保險以單位面積計算保費,在部分項目賠償設有自付額,只有高於自付額的保險公司才會作出賠償。

而申請按揭,家居保險並非必須購買,業主可就個人需要而決定是否購買家居保險。

所以以後就唔好搞亂「火險」同「家居保險」啦!而筆者都建議大家兩險都買晒,咁就萬無一失啦!

按揭回贈高達1.8% 立即向按揭大師查詢 Whatsapp 68906888