現時新造的按揭契基本上都以「All Monies」形式進行及在土地註冊處登記。「All Monies Mortgage」即無限額或不定額按揭,按揭契沒有列明貸款額度,實際貸款額度係銀行與客人以貸款信(Facility Letter)形式決定。

加按簡單快手

以「All Monies」形式登記實際上方便客人日後調整貸款額度提供彈性,因為借款人係原行加按或調整貸款額時毋需修改原有的按揭契,客人只需簡單加簽就可以完成整個程序。省卻重新申請整個按揭所需的時間,如贖契,銀行及律師樓文件往來嘅時間等等;而原行加按亦不涉及律師樓,幾千蚊的律師費都慳返。

由於近年銀行都為轉按客人提供相當吸引的現金回贈,如非急住要加按物業套現周轉嘅朋友都會選擇轉按至其他銀行賺取現金回贈,同時安排轉按套現。

私人貸款、信用卡欠款都可以收樓

假設小明將物業抵押到ABC銀行取得按揭貸款,除咗按揭貸款外小明亦有向ABC銀行取得私人貸款及使用該銀行的信用卡消費。如果小明沒有清還ABC銀行的私人貸款及信用卡卡數,即使小明每個月都準時還清按揭貸款,ABC銀行仍然有權將小明抵押係ABC銀行的物業拍賣以清還所有欠債。當然,以上例子只係一個好極端嘅情況才會發生。

由於以「All Monies」形式作為抵押的物業貸款沒有設上限,所以抵押品不只限於清還按揭貸款之用,而是有關借款人在該銀行的所有債務,所以銀行係需要時係有權收你樓還債。

聯名要小心

當抵押物業嘅業權係聯名持有而又係「All Monies」的話,只要業主其中一人向該銀行取得其他貸款,物業自動會成為新增貸款嘅抵押品。就如上一點所講,若借款人無能力清還貸款,銀行一樣可以收樓拍賣還債。變相聯名業主會被綑綁一齊,互相為大家承擔有關債務。

所以聯名買樓最好事前要達成共識,避免係其他聯名業主不知情嘅情況下向銀行借入貸款,以免影響其他聯名業主。

建議閱讀:
擔保人FAQ
按揭人、借款人與擔保人點分?

讀者來函:幫未婚妻做咗按揭擔保人,而家分開咗可以點甩擔保?

按揭回贈高達 2.5% + 綠色按揭 $16,888 利率低至 6.24% (封頂 3.625%)
立即向按揭大師查詢
Whatsapp 55975082
利率更新日期: 2024-03-19

即時了解「額外現金回贈」,賺盡現金回贈唔好蝕比銀行同地產代理!
回贈詳情

立即登記賺盡現金回贈,最高可達 2.5% + 綠色按揭 $16,888
即時網上申請

按揭查詢


By |2020-10-21T18:13:17+08:00June 21st, 2019|Tags: , |

About the Author:

係呢個資金泛濫嘅年代,如何運用金融知識及善用借貸力為非常重要嘅一環。 熱於研究「按揭財技」,閒時寫寫文分享下所見所聞千奇百趣嘅按揭個案。