問:咩情況下申請按揭需要加擔保人?

答:需要加擔保人嘅情況主要為申請人入息唔夠過壓測或供款比率,或者申請人年紀大需要加一個年輕擔保人拉長按揭年期。


問:擔保人身份有限制嗎?

答:擔保人與申請人為近親關係的話,基本上銀行都會批。而根據HKMC指引,申請按揭保險的話擔保人必須與申請人為近親關係,未婚夫妻亦可。根據過往經驗,申請人與擔保人非近親關係亦曾經成功批出。

按揭擔保人有無限制?三唔識七都可以做擔保?


問:擔保人人數有無上限?

答:理論上擔保人數目並無限制,但一般擔保人一個起兩個止。擔保人人數過多,什至乎會影響銀行或按保公司對申請人還款能力嘅信心。擔保人唔係愈多愈好,若擔保人有隱藏債務而不知更會影響批核結果。

收入唔夠計,拉晒全家人做擔保得唔得?


問:幫人做左擔保,自己買樓仲可以申請按揭保險?

答:可以!只要符合按揭保險申請資格及能夠通過壓力測試及供款與入息比率即可。如果有按揭係身,買樓時所需繳付之按揭保費便需採用較高保費率計算,若新買物業打算做9成按揭更需要符合首置資格。

做咗擔保人,買樓仲可唔可以申請按揭保險?


問:擔保人可以單方面甩擔保?

答:不能。擔保人不能單方面向銀行申請甩擔保,只有業主/借款人向銀行申請方能夠將擔保人身份除去。

讀者來函:幫未婚妻做咗按揭擔保人,而家分開咗可以點甩擔保?


問:做擔保人有咩風險?

答:若業主/借款人無供樓擔保人有責任幫手供樓、視乎按揭契條款,擔保人有機會對於借款人其他責任有償還責任、影響自身借貸能力。

做擔保人幫屋企人買樓有什麼風險?


問:加擔保人嘅情況下,壓力測試點計?

答:若按揭申請要加擔保人,借款人與擔保人的收入及負債將一併計算。例如,借款人及擔保人各自月入為$2萬,月入便以$4萬計算,若兩人均無負債則只需要計算新做按揭還款,$4萬月入能通過壓力測試便可。如果借款人本身有筆月供$4000嘅私人貸款,便要用($4000+新做按揭還款)作為總供款計算壓測。而如果借款人或擔保人原先有按揭的話,計算則會較複雜,你可以搵筆者同你一齊計一次。

壓力測試之實際應用


問:有咩方法可以甩擔保?

答:如果已過罰息期,業主/借款人可以申請轉按,甩擔保同時間賺取現金回贈。若未過罰息期,而業主/借款人入息夠計數,亦可通知按揭銀行甩擔保,毋需罰息及擔保人簽文件。


問:擔保人甩擔保後買樓,但TU未反映可以點做?

答:如果有按揭係身,一般情況新做按揭成數需減一成及壓測會收緊10%,所以擔保人買樓前大多會甩咗原先個按揭。由於TU不會即時更新,所以擔保人成功甩擔保後於申請新做按揭時需向按揭銀行提供settlement proof,包括原按揭的貸款信及甩擔保後之貸款信,又或者提供清還按揭的還款記錄等。


按揭回贈高達 2.5% + 綠色按揭 $16,888 利率低至 6.24% (封頂 3.625%)
立即向按揭大師查詢
Whatsapp 55975082
利率更新日期: 2024-03-19

即時了解「額外現金回贈」,賺盡現金回贈唔好蝕比銀行同地產代理!
回贈詳情

立即登記賺盡現金回贈,最高可達 2.5% + 綠色按揭 $16,888
即時網上申請

按揭查詢


By |2020-04-03T16:13:13+08:00March 31st, 2020|Tags: , |

About the Author:

係呢個資金泛濫嘅年代,如何運用金融知識及善用借貸力為非常重要嘅一環。 熱於研究「按揭財技」,閒時寫寫文分享下所見所聞千奇百趣嘅按揭個案。