上星期施政報告出台,整份施政報告最令人關注嘅就係放寬按揭保險政策。按揭保險由原先600萬以下最多可做8成按揭及400萬以下最多可做9成按揭,放寬至1000萬以下最多可做8成及800萬以下最多可做9成。

市民對於政策反應好兩極,有指政策便利市民上車,亦有指政策變相繼續推高樓價。

政策出台,永遠有人歡喜有人愁,咁到底放寬按保政策,有邊幾類人可以即時受惠呢?

1. 物業借咗發展商二按

原按保政策規定只有600萬以下物業方可申請按揭保險,而一手樓訂價好多都係600萬以上,首期不足而又想置業嘅朋友就會向銀行申請一按及向發展商申請二按。

一般發展商二按息率為首兩至三年約為2厘半,與銀行一按利率睇齊分別不大。但在第二第三年後利率多為P或者P+1%,即為5%-6%,利息成本急升一倍。

呢一類客人,如果係買入物業兩至三年後,物業升值幅度唔足夠將按揭轉按到銀行就要捱貴息。今次按保政策放寬樓價限制,好多早年借咗發展商二按嘅朋友可以選擇將整個按揭轉按到銀行,即刻慳返發展商二按嘅貴息!

2. 欠首期但具借貸力嘅上車客

想係香港置業,好多時候並唔係供唔起樓又或者收入唔夠過壓測,而係欠缺首期!

過往一個家庭有小朋友,想居住空間寬敞少少都情願出去租樓住。因為心宜嘅單位好多時都係600萬以上,並唔符合申請按揭保險嘅要求,首期預算最起碼要準備360萬以上,大部分香港人唔食唔著將十年嘅人工儲起都未必有呢個數。

而今次按保政策嘅改變,如果樓價位於600萬至800萬,仍可以用一成首期上會。過往因為欠缺首期而收入唔差嘅朋友,如今首期要求大大減低便可以即時受惠。

建議閱讀:
新舊按保全面睇 
放寬按保係咪就等於上車易咗?
天使與魔鬼 – 發展商二按注意事項

按揭回贈高達1.35% 利率低至1.51% 立即向按揭大師查詢 Whatsapp 68906888

利率更新日期: 2020-11-29