退休公務員份「長糧」可以計算入息過壓測？

講起最受歡迎嘅職業，除咗律師會計師之外，人稱「鐵飯碗」嘅舊制嘅公務員當然榜上有名。

可以稱為「鐵飯碗」，即係除非你犯嘅錯係罪無可恕，否則你做野正正常常應該都唔需要年尾煩轉工嘅問題。而另一個極為吸引嘅地方就係舊制公務員可以係退休之後繼續咬「長糧」咬到百年歸老。

咁到底退休公務員份「長糧」可唔可以計算做入息通過壓力測試？答案係可以！但並非全部銀行接受！

事實上，退休公務員「長糧」嘅穩定性可能比一眾打工仔份糧更高，所以有不少銀行願意接受以此作為批出按揭嘅入息證明。

不過要注意，有部分銀行需要為「長糧」打折後當收入計；有部分則不需要打折直接以實收嘅「長糧」當收入計算。而有部分銀行在申請之按揭成數在6成或以下先可以將「長糧」當入息計算；有部分銀行則連6成以上嘅高成數按揭亦當入息計算。

由於就「長糧」作為入息，各大銀行嘅批核準則不盡相同，所以若按揭申請會涉及「長糧」，申請前記得先向銀行或按揭中介查詢及了解清楚。除此之外，遇到以上嘅情況亦可以同時間向多於一間接受「長糧」嘅銀行做申請，咁就更加安全啦！

建議閱讀：
壓力測試之實際應用
公務員按揭-allowance當唔當收入？
公務員按揭的3個注意事項