根據金管局指引，若現金回贈高於1%及達按揭成數上限，現金回贈便須從貸款額中扣減，若現金回贈不超過1%則毋須扣減。對於買樓客而言，應否選擇高於1%現金回贈主要有幾個考慮因素。
假設樓價$1000萬，按揭成數50%，客人可選擇1%（$5萬）現金回贈或1.8%（$9萬）現金回贈。
1.8%現金回贈
以上情況，客人選擇1.8%現金回贈即$9萬的話，回贈逾1%須扣減貸款額至$491萬。由於扣減貸款額，客人需要準備額外$9萬現金流以作成交物業，客人首期預算會由$500萬增加至$509萬。當完成成交後，$9萬（1.8%）現金回贈便會到手，所以客人實際付出$991萬就買到$1000萬物業。而日後按揭還款及利息計算亦會以$491萬為基準計算。
1%現金回贈
如果客人選擇1%現金回贈，現金回贈不需扣減貸款額，所以貸款額維持$500萬不變。不用扣減貸款額嘅情況，客人無需準備額外首期作成交。當物業成交後，$5萬（1%）現金回贈便會到手，客人付出$995萬就買到$1000萬物業。而按揭還款及利息計算則會以$500萬為基準計算。
由此可見，即使高於1%現金回贈須扣減貸款額，但對客人而言得益亦係最大，所以絕大部分情況客人都會選擇拎超過1%現金回贈。但若然客人首期預算緊張，買樓基本上係一鋪清袋，並無能力準備額外首期的話，選擇1%現金回贈亦較合適。另外，有客人新居入伙，打算用現金回贈作添置家居或者做裝修費用，亦會傾向選擇1%回贈，借到盡之餘又再用現金回贈補貼其他使費。
About the Author: 文博
係呢個資金泛濫嘅年代，如何運用金融知識及善用借貸力為非常重要嘅一環。
熱於研究「按揭財技」，閒時寫寫文分享下所見所聞千奇百趣嘅按揭個案。
