如果銀行估價低於成交價,即銀行估價不足,業主需要額外準備更多首期用作成交物業,俗稱「抬錢上會」。但如果調返轉,物業成交價低於估價,銀行按揭又會點批呢?

其實物業成交價低於銀行估價經常發生,而申請按揭一般都無太大問題。

但有兩點需要注意:

1. 成交價低於估價嘅幅度

物業交易涉及買賣雙方,而物業最終嘅成交價除咗參考銀行估價外,買賣雙方嘅議價能力亦舉足輕重,所以好多物業成交嘅成交價同銀行估價都會出現不一致嘅情況。而如果物業成交價低於估價不超過20%-25%,係銀行角度仍然屬於合理範圍,但如果成交價低過估價一大截,咁銀行就會考慮另一個因素而再作決定 – 交易是否經地產代理處理。

2. 是次交易有無經地產代理

物業轉讓其實唔一定要經地產代理處理,最常見嘅情況就係買賣雙方本來就認識,佢地自己傾掂數就直接落律師樓到簽買賣合約。但如果是次物業轉讓嘅成交價低過銀行估價一截,只要幅度不超過40-50%,經地產代理處理一般銀行都會順利批出按揭,銀行會視經地產代理嘅交易為非「內部轉讓」。

由於過份低於市價嘅成交,若非經地產代理,銀行會覺得有「送贈契」嘅風險。由於賣方係轉讓物業後5年內破產,債權人有權追溯其「送贈契」物業作抵債之用,所以銀行一般不會對自行配對而成交價遠低於市價嘅交易批出按揭以規避風險。

按揭回贈高達1.8% 立即向按揭大師查詢 Whatsapp 68906888