按揭貸款由齊文件申請到銀行放款，一般需時兩至三個月。如果急需從物業套金周轉，往往只能向財務公司敲門，支付一個較貴嘅利息。
如果客人想轉按套現嘅資金快啲落到袋，實際上有方法可以令原本長達兩至三個月嘅處理時間縮短至一個月完成。
而一般情況，轉按嘅程序如下：
1. 客人向銀行申請按揭貸款及遞交有關文件
2. 銀行批出按揭貸款條款（需時1-2星期）
3. 客人授權律師樓到原按揭銀行進行贖契（最長需時約4星期）
4. 客人簽署貸款信及有關文件
5. 銀行放款
實際上，如果客人想盡快完成整個申請過程，客人可以係申請按揭貸款時同步授權律師樓進行贖契。若同步進行贖契，中間可省卻等待銀行審批嘅兩個星期。
而當律師樓完成贖契時，銀行亦應該完成批核，到時候客人只需到銀行及律師樓簽署有關文件，銀行就可以向客人放款。呢個操作可以令長達兩至三個月嘅申請程序縮短至一個月完成，急需從物業套現嘅朋友可以參考呢個做法。
當然，若銀行最終拒絕批出按揭貸款又或者按揭貸款條款未如理想，客人最終沒有取得按揭貸款，客人仍需支付相關律師樓費用。因為當客人授權律師樓去贖契，律師樓已經開咗工，律師樓並無責任確保銀行成功批出貸款。
建議閱讀：
想做轉按，幾時申請最好？
想用層樓套現，原行加按與轉按套現之考慮
想做轉按，幾時申請最好？
轉按流程一覽大全
轉按FAQ
About the Author: 文博
係呢個資金泛濫嘅年代，如何運用金融知識及善用借貸力為非常重要嘅一環。
熱於研究「按揭財技」，閒時寫寫文分享下所見所聞千奇百趣嘅按揭個案。
