申請銀行按揭需要通過壓力測試,有唔少人除咗每個月出份糧,每年年尾亦會出花紅,到底花紅可唔可以計算到入息當中?由於有好多人年尾個花紅收入相當可觀,若然能夠計算到入息當中,有如食咗大力水手嘅菠菜一般,大大增加借貸力!

事實上,無論申請人係固定受薪抑或非固定受薪,年終花紅亦可以當入息計算以通過壓測,不過年終花紅如何計算到入息當中就要仔細了解清楚。

固定入息+花紅

有唔少公司會係僱佣合約中訂明員工可以享有多於12個月糧,例如「13個月糧」或「14個月糧」不等。呢種情況基本上銀行都願意以整個年度所得之收入之平均值計算入息。例如,固定月薪$20,000,合約訂明享有「14個月糧」,每月入息便以(14*$20,000)/12=$23,333計算。

若固定受薪之員工每年所得花紅是以當年公司業績作參考,花紅並非固定,每月入息計算方式則如下:

每月入息 = [每月固定月薪+(最近2年花紅/24)]

舉個例,若固定月薪為$20,000,最近2年花紅為別為$100,000及$140,000。

每月入息=[$20,000+($100,000+$140,000)/24]=$30,000

非固定入息+花紅

若申請人為非固定入息,每月入息=[最近6個月之平均月入+(最近2年花紅/24)]。

舉個例,若最近6個月平均月入為$25,000,最近2年花紅為別為$100,000及$140,000。

每月入息=[$25,000+($100,000+$140,000)/24]=$35,000

花紅須以2年平均計算

要將花紅計算到入息當中,花紅必須取最近2年平均數計算。假設申請人在現職公司工作一年,即只有1年花紅紀錄,該花紅亦需除以24個月計算。

若申請人最近兩年內曾轉過工,花紅收入部分只能計算現職工作的花紅,前一份工作之花紅所得將不能計算到入息中。而且計算時亦需將現職工作最近2年之花紅除以24個月計算,即使現職工作時間只有一年亦需要1年之花紅除以24個月計算!

事實上,花紅收入係能夠計算到入息當中去通過壓力測試,而每間銀行對於花紅計算方式可能略有不同。若申請人依靠花紅收入方能通過壓測,則須盡早做定功課及準備好相關入息證明。

建議閱讀:
自僱人士出糧比自己,銀行會點批?
退休公務員份「長糧」可以計算入息過壓測?
申請按揭前轉工兼大幅加薪,高成數按揭大步擸過!
壓力測試之實際應用

按揭回贈高達 2.5% + 綠色按揭 $16,888 利率低至 6.24% (封頂 3.625%)
立即向按揭大師查詢
Whatsapp 55975082
利率更新日期: 2024-03-28

即時了解「額外現金回贈」,賺盡現金回贈唔好蝕比銀行同地產代理!
回贈詳情

立即登記賺盡現金回贈,最高可達 2.5% + 綠色按揭 $16,888
即時網上申請

按揭查詢


By |2020-10-04T15:15:37+08:00January 8th, 2020|Tags: , |

About the Author:

係呢個資金泛濫嘅年代,如何運用金融知識及善用借貸力為非常重要嘅一環。 熱於研究「按揭財技」,閒時寫寫文分享下所見所聞千奇百趣嘅按揭個案。