【按揭理財】63歲退休人士靠按揭去收息賺90萬

63歲退休人士靠按揭去收息賺90萬

理財顧問Joey：客人剛退休，沒有收入，現年63歲，物業市值1100萬，供剩50萬。客人想透過轉按套現220萬作為未來4年的生活費。4年後，讀醫科的兒子畢業後會承擔該按揭債務和供養父母。

按揭大師：香港平均人壽86年。客人還要應付未來13年的退休生活費和供養正在讀大學的兒子，真係幾大壓力。不過好彩有層樓可以套現頂住。客人目標是4年生活費220萬，加上50萬原有按揭，即係總按揭係270萬，最長做到17年，2.5%利息計算，月供$10,668。淨套現到220萬用4年，每月可以有$45,833家用，扣除供樓淨生活費$35,165。

Joey：可唔可以拉長到30年去供，咁月供壓力就會細好多。同埋最多可以套現幾多？客人其實都想做一些比較穩健的投資。

按揭大師：由於客人沒有收入，只能用資產方式去按揭最多4成借440萬，受制於(80-人齡)最長年期的規限，最多做到17年按揭，除非有年紀細的擔保人，但阿仔仲讀緊醫科，沒有收入是不能做到擔保人的。

Joey：咁唯有做17年按揭啦，客人其實想買一個保守的儲蓄計劃，我剛計過，如果按揭可以套現多100萬作為投資，預計17年後可以賺90萬。

按揭大師：嗯嗯，注意額外100萬按揭17年的利息支出。假設利息不變，17年的100萬按揭一共要23萬利息，所以你客人淨賺90萬是你的假設，還要扣除23萬的利息成本。仲有2個tips可以給你的客人：第一，按揭銀行會給1%-1.5%現金回贈給你的客人，都有幾萬元。第二，銀行會有一個高息按揭存款戶口送給你客人，220萬的生活費未用到時就可以放在戶口月月收息。

不過要注意，額外套現100萬會增加月供，詳情你可以用我們的按揭計算機計計。係啦，係咩產品可以100萬賺90萬？

Joey：其實都係d儲蓄型產品，講到尾都係用時間去換回報。講就講90萬好多咁，你計番都係5.294%單利息回報，如果複息回報就係3.848%。不過就適合呢個客，因為這是退休的儲備，唔好太冒險，唯有用低成本的按揭去套息差，最重要的是靠時間換回90萬回報。