筆者小時候對於讀書興趣欠奉,唯獨覺得經濟科有啲唔同,上堂時並唔會覺得枯燥乏味。仲記得經濟科其中一個大題目就係「利率」,「利率」分為「名義利率」及「實質利率」,而近年低息嘅按揭市場令筆者諗起當年所學。

「名義利率」亦稱為貨幣利率,係資金提供者借出資金予資金使用者所得到的報酬。以按揭貸款為例,銀行作為資金提供者,而按揭申請人即為資金使用者。銀行收取 按揭人 利息作報酬,以目前按揭利率2.5%為例,呢2.5%亦稱為「名義利率」。

「實質利率」則為剔除通脹率後,資金提供者借出資金予資金使用者後可得到的實際報酬,而「實質利率」為「名義利率」減「通脹率」。以目前按揭利率2.5%及通脹率3%計算,實質利率=2.5% – 3% =-0.5%,實質利率為負數。

呢個現象到底有咩啟示?

筆者經常建議朋友申請按揭時,按揭還款期應該有咁長拉咁長,有幾多就借幾多!拉長還款年期除咗可以令每月還款減少,以減低還款壓力,當中更有「利率」考慮因素。觀乎每一個成熟經濟體系,基本上都會處於低息環境。假如按揭還款期為30年,按息不變情況下,今日嘅還款同30年後嘅還款係一模一樣。對於還款人而言,呢筆按揭還款應該會感覺愈還愈輕鬆。

由於有通脹存在,資產價格會隨通脹而增加,而同時間每筆按揭還款嘅購買力亦隨通脹而減少。例如以30年前嘅$10,000同今日嘅$10,000比較,購買力已經大不如前。30年前月入$10,000,生活質素應該相當唔錯;而今時今日月入$10,000,相信生活亦相當吃力。

由於有通脹存在,實際上香港按揭市場為負利率狀況,而且銀行更有為按揭客人提供現金回贈,令實際利率負上加負。即是話,借得愈多理論上就愈著數。

雖然按揭實質為負利率,但客人仍然要為借款支付利息,若多借嘅資金只放在普通活期存款戶口蝕通脹實屬不智。客人可以考慮將多借資金投放於穩健投資工具上收賺取利差,市場上有不少回報率達4% – 5%之穩健投資可供選擇。而銀行一般亦有為客人提供Mortgage Link戶口,客人可藉此對沖部分按揭利息。

建議閱讀:
按揭利率圖表
高息戶口Mortgage-link懶人包
富人不會告訴你的按揭致富秘密 
物業活化大法 – 死錢都可以變生錢!

按揭回贈高達 2.5% + 綠色按揭 $16,888 利率低至 6.24% (封頂 3.625%)
立即向按揭大師查詢
Whatsapp 55975082
利率更新日期: 2024-03-19

即時了解「額外現金回贈」,賺盡現金回贈唔好蝕比銀行同地產代理!
回贈詳情

立即登記賺盡現金回贈,最高可達 2.5% + 綠色按揭 $16,888
即時網上申請

按揭查詢


By |2020-10-04T12:51:24+08:00February 18th, 2020|Tags: , , , |

About the Author:

係呢個資金泛濫嘅年代,如何運用金融知識及善用借貸力為非常重要嘅一環。 熱於研究「按揭財技」,閒時寫寫文分享下所見所聞千奇百趣嘅按揭個案。