武漢肺炎影響全球,港人除咗每日擔心買唔到口罩外,多間銀行分行縮短營業時間或關閉以及安排職員在家工作更令按揭客人一額汗。如果疫情持續,我哋應該點準備及處理按揭申請?

銀行縮短營業時間,職員在家工作或影響申請

由於肺炎持續,各大銀行都關閉部分分行、縮短營業時間及安排職員在家工作,或令習慣到銀行分行處理申請嘅朋友不知所措。事實上,銀行內部已經有緊急應變機制,已遞交申請之個案會根據物業成交日期快馬加鞭於成交日前批出申請。

除經銀行分行處理按揭申請外,銀行實際上有按揭專員負責按揭申請,而按揭專員全職處理按揭申請。與一般分行職員不同,按揭專員一般都坐寫字樓,什至可以「出街」協助客人處理申請。另外客人亦可以搵按揭轉介公司協助,轉介公司與各銀行保持良好合作關係,於此等非常時間更能緊貼每個按揭申請以盡快完成。

而現時資訊科技發達,按揭申請已不限於親自到分行處理,亦可以電郵形式遞交申請予按揭專員。而筆者亦強烈建議客人多向幾間銀行進行申請以防萬一。

「武漢價」單位估價問題

2003年出現「沙士價」,2020年則出現「武漢價」,而銀行的確會對出現確診個案嘅屋苑估價作出調整。如果成交價與估價相差不遠,銀行一般都願意以成交價批出按揭。如萬一肺炎情況急轉直下,銀行便會對估價作出較大幅度調整而出現估價不足嘅情況,買家變相要抬錢上會。要記得,沙士期間銀行什至試過不對淘大花園作估價。

應否延遲成交日期?

不少客人擔心肺炎肆虐影響銀行按揭批核進度,正考慮與業主商議延遲成交。由簽訂臨約起計,一般成交期為兩至三個月,若簽訂臨約後馬上處理申請,只要事前文件準備妥當都夠時間批出按揭。

現時肺炎情況未大規模社區爆發,暫時並未做成如沙士時期對樓市嘅負面影響,但亦難保將來不會發生。若貿貿然拉長成交日期,而咁唔好彩發生如沙士一般嘅情況,銀行勢會大幅調低估價致估價不足,買家到時候只能抬好多錢上會又或者撻訂收場。

公務員在家辦公,未收到稅單點算?

只要不涉及高成數按揭,即按揭成數六成或以下,稅單並非必要文件。客人只要提供三個月(固定收息)及六個月(非固定入息)嘅糧單及出糧戶口記錄予銀行作入息證明即可。

如申請為高成數按揭,稅單為必要文件。若受是次肺炎影響,客人可向按保公司解釋因由以酌情處理,唯最後是否接納仍由按保公司決定。

萬一全面封關而身在內地未能回港處理按揭申請

由於肺炎日益嚴重,政府亦逐步收緊通關,若疫情失控難保政府會全面封關致未能出入境。如果擔心因為封關而未能回港處理按揭申請,客人宜於簽訂買賣合約時加上特別條款,若發生以上狀況便可延遲成交以免因此而撻訂。

按揭回贈高達1.8% 立即向按揭大師查詢 Whatsapp 68906888