批咗按揭之後就失業，銀行會唔會Call Loan？

香港經歷社運及疫情洗禮，本土經濟已經元氣大傷，失業率亦開始增加，而飲食、酒店及零售業更首當其衝。如果申請人於按揭批出之後失業的話，銀行又會唔會Call Loan呢？

一般而言，銀行只會於按揭申請期間要求申請人提供入息證明以作審批，若因補文件等情況而令申請超過一個月，銀行有機會要求申請人同時補交最近一個月之入息證明。而當按揭成功批出後，銀行一般不會要求申請人再提供最新入息證明，所以理論上銀行係唔會知道申請人嘅就業情況。

所以當按揭成功批出後，銀行係不知道申請人已經失業嘅情況下仍然會執行放款，而如果已經完成放款的話銀行亦不會貿然Call Loan。

但要注意，按揭銀行有機會於放款當日做Employment check，即聯絡申請人任職公司核實申請人是否仍然受僱於該公司。若發現申請人已經離職，銀行或會要求申請人提供最近任職公司之資料及入息證明。

由於疫情影響，大部分銀行審批按揭所需時間有所增加，若申請人已買樓而又擔心自己有機會受失業潮影響，應盡快申請按揭。如果想知道現時邊間銀行審批最快亦可與筆者聯繫，筆者可協助轉介。

建議閱讀：
疫情入市事項須知
疫情襲港下按揭注意事項
業主中招都唔知: 咁都要Call loan..
另類斷供風險要注意..