近年黃金海岸、掃管芴路一帶新盤林立，尺價都係同屯門舊樓差不多，其實吸引力都唔錯。當中OMA OMA其實賣到而家都仲有貨尾，而且有發展商9成貸款，頭3年都係還息不還本，實在係吸引。我地就用現時價單上見到最平嘅413呎一房半單位計一計條數睇下。
呢個單位標價$5,728,000，即係每尺$13,869 (其實以林鄭plan即供計算，仲會有3%印花稅津貼，即係$13,453左右)，市中心樓齡32年嘅時代廣場A 座17樓1室根據匯豐銀行估價，$5,530,000，414尺，即係每尺$13,357。兩者尺價真係差不多。
有讀者問到，付款計劃(D) OMA OMA Super Easy Plus 一按 付款計劃 (照售價加5%) 係咩玩法?加5%? 其實好多時樓盤都會喺價單上標個比較高嘅價錢，然後就俾D優惠你，一般發展商按揭嘅付款計劃都會少咗優惠(即係貴咗啦)。呢個盤就調轉寫，即供就係價單個價，但係用發展商按揭就加5%。
咁即係每個月供幾多錢呢? $5,728,000 加5%即係$6,014,400，借9成即係借$5,412,960 。第一年利息大P-2.5%，第二年利息大P-2%，第三年利息大P減1%。(大P即渣打銀行(香港)有限公司不時公布之港元最優惠利率，現時即5.25%)
- 第一年，每個月供$12,404.7
- 第二年，每個月供$14,660.1
- 第三年，每個月供$19,170.1
如果$5,728,000，用林鄭plan借9成連同加借$25萬按揭保費(貸款額的5%)計每個月供$21,387.74。(實際上$600萬以下樓花只能做8成，不過為咗比較發展商按揭計劃，用咗9成去計算)
發展商按揭還息不還本都接近兩萬，林鄭plan還息還本都係$21,387.7，咁發展商按揭咪好唔抵?非也，如果你3年一直準時還錢，發展商會將呢3年收到嘅利息全數俾返你，即係息都冇還過，3年之後先用林鄭plan轉返上銀行就搞掂。即係而家俾$60萬左右首期$18萬左右印花稅，一共$78萬就可以做業主。搵我地按揭大師一手物業部入飛，仲可以有最少額外2%回贈。呢個個案即係$12萬左右，即係第一年供款，包喺我地身上。
總括而言，其實呢個發展商貸款plan真係好優惠，似乎永泰呢個發展商比其他大發展商持貨能力比較弱，有少少心急想出貨。
About the Author: Daniel Yim
