原來「香港銀行同業拆息 (HIBOR)」都有三個，咁我應該睇邊個？

自從2019年頭各大銀行下調H Plan的鎖息封頂，令H Plan及P Plan嘅鎖息上限睇齊。曾一度受市場擁戴的P Plan瞬間失寵，新造按揭申請重投H Plan的懷抱。

H Plan是指以銀行同業拆息（Hibor)為基準，再加一個特定利率作為按息，如（H＋1.23%)，而且設有一個鎖息上限。

而可能好多人都唔知道，原來市場上嘅銀行同業拆息（Hibor)有三個，咁H Plan用家到底係用邊個Hibor去計算按息？以及三個Hibor分別大嗎？

1. 香港銀行公會Hibor

市場上絕大部分銀行都是以香港銀行公會Hibor為作H Plan的基準。而Hibor亦有分為「隔夜」，「一星期」，「兩星期」及「一個月」等等。而由於H Plan基本上都是以「一個月Hibor」作為按息的基準，所以只需要留意「一個月Hibor」即可。

以2019年4月1日為例，假設H Plan的按息是（H＋1.23%)，當天一個月Hibor為1.646%。

H Plan按息便為（1.646%＋1.23%=2.876%），若按息超過鎖息封頂便會以鎖息封頂計算。

香港銀行公會網

2. 滙豐銀行Hibor

除了香港銀行公會Hibor外，另外一個Hibor就係滙豐銀行Hibor。而只有由滙豐銀行承造的H Plan才會用這個自家制的Hibor作為基準計算按息。

滙豐銀行網站

3. 恆生銀行Hibor

最後一個Hibor就係恆生銀行Hibor，只有由恆生銀行承造的H Plan才會以這個Hibor計算按息。

恆生銀行網站

簡而言之，只有滙豐銀行及恆生銀行會以自家制的Hibor作為H Plan按息計算的基準。只要非「滙豐」「恆生」，睇返香港銀行公會Hibor就可以。

而實際上，兩個自家制的Hibor與香港銀銀行公會的Hibor亦不一定相同，以2019年4月1日「一個月Hibor」為例：

香港銀行公會Hibor：1.64607%

滙豐銀行Hibor：1.63%

恆生銀行Hibor：1.65%

由此可見，三個Hibor是有少許出入，但對實際按息支出並沒有很大影響。

而為方便大家了解「實際按息支出」，「Hibor走勢」，「鎖息封頂」等資訊，按揭大師為大家制作了按揭利率圖表，所有資訊一目瞭然令大家可以更客易選擇一個合適自己嘅按揭計劃！

按揭利率圖表

按揭利率圖表教學

建議閱讀：
按揭冷知識-H按利息計算之迷 
何謂H按及P按？應該點揀好？ 
拆息Hibor如果定價？對供樓有咩影響？