於疫情未受控下，香港經濟大受打擊，部分行業員工被迫放無薪假期甚至出現裁員情況。市場流傳銀行按揭轉趨謹慎，甚至對部分行業出現拒批狀況，究竟現時銀行按揭批核情況係點？
根據過往經驗，經濟狀況的而且確與銀行批出按揭意願有直接關係。於市場欣欣向榮嘅情況，銀行審批或多或少會較為鬆手。反之，當市場前景不明朗，銀行批核亦會較手緊。
以目前情況，絕大部分銀行之按揭批核準則並無改變。固定月入人士需提供最近三個月入息證明，而非固定月入人士則需提供最近六個月之入息證明，只要入息能通過供款與入息比率及壓力測試，銀行便願意批出按揭。但亦有部分銀行，主要為中小型銀行，拒絕對高危行業如飲食業人士批出按揭，而非固定月入行業如保險行業要將收入打折計算，變相較難通過供款與入息比率及壓力測試。
事實上，暫時亦未出現所謂銀行按揭「收遮」情況，大家毋需過度恐慌。不過，準買家們應預留更多首期預算，以防若樓市持續向下，買入物業或會出現估價不足嘅情況。所以筆者亦建議大家於簽約前，應向銀行及按揭顧問查詢有關按揭嘅狀況，確保買入物業後銀行能順利批出按揭。
About the Author: 文博
係呢個資金泛濫嘅年代，如何運用金融知識及善用借貸力為非常重要嘅一環。
熱於研究「按揭財技」，閒時寫寫文分享下所見所聞千奇百趣嘅按揭個案。
